Monsoon aaneki  khushfahmimein

apni tooti neend ko dubokar..

bade maje se kulaanche maare phir rahaa thaa

ek beghar aur bekaar sa mendhak.

Jisske bemausam aur maasoomse gitonko

raatkohi raah bahaakar

saath kahin legayee thi.

Agli dopaharko jub tak

woh calender ki asliyat ko

theek se samajh paataa,

bahut der ho chuki thii.

Aprailki nakchadhi dopahar

uss se  maangne lagi thii,

mausam ki badmijaazika hissaab.

Naa nind mili..naa ghar kaa pataa..

aur naahi maati kaa thikaanaa.

Usske haath lagaa to basss

ek dhokha ! Basss.

Maut bhi aaneko hi thii dhoop ke jariye..

jub farsh se usse zapatkar

kauye uthaakar le gaye the.

Ab bhi ussi farsh par padaa hai

usska maasoomsaa sawaal.

Maati aakhir gayee to kahaan?

Naa kadmonko maangti hai..

naa chhintonko rangti hai..

Naa sadkonko laaghanti hai..

Naa kahiin nazar aati hai..

Naa saansomein mehakti hai..

Naa chiidiyonsang chahakti hai..

Naa  maathe par dahakti hai..

naa fislan par bahakti hai..

Maati aakhir gayee to kahaan?

Naa kadmontale dikhti hai aur naa saathmein mod par mudti hai..

Maati to bass farshke neeche akele mein, lamha lamha dam todti hai..

Jub yeh shahar uth jaayenge,

registaan nazar aayenge..

Naa paaniki tip tip..

naa maati ki chip chip..

sab kuchh saaf suthraa..

yahi ho rahaa hai..

Dirt less city keliye,

sab saaf ho rahaa hai..

Shorr mat karo..jaag uthhenge abhise..

Aapke mer kadmontale marti maatike  garbh mein

pal rahe hain..

saikdon sadiyonke registaan.

Maasterji kehte hain,

Global warming ho rahaa hai..!

Saanse chalti rahengi..

Kadam badhte rahenge..

 Sab  aapse poochhenge..

Aur Kyaa Chahiye..?

Zaraa Khoosh dikhaa karo..

Aur zaraa  hans liyaa karo..

Aadmiko zindagimein

Aur Kyaa Chahiye..?

Maathe par koi shikan rahegi..

Thokar se gir gaye agar to

Labonse koi cheekh  kahegi..

Aur Kyaa Chahiye..?

Kadam chhottey the..

Tab chal pade they..

Ab saanse fooltiin hain..

Aur Kyaa Chaahiye..?

Aankhonmein talaash hai..

Haathmein talaash hai..

Zindagi ki pyaas hai..

Aur Kyaa Chahiye..?

Raah mein miloge to

Aapse poochh baithenge..

Milkar badi khushi huyee

Aur Kyaa Chahiye..?

02/02/2008

Tu haan kahe to tere saath

Tu naa kahe to tere bagair

Main chaltaa hi rahoongaa

Main chaltaa hi rahoongaa..

Thak jaayein gar raaste

Tham Jaaye gar dhadkanein

Zuk jaayein gar hausle

Ruk jaayein gar kaafile

Main chaltaa hi rahoongaa

Main chaltaa hi rahoongaa..

Gar hai kahiin khudaa

to  aisaa kyun hai..

Jo  lut gayii yahaanpar

Harek  jubaanpe  yeh sawaal thaa

Jo haar gayaa hai

Usskehi tarafse sach thaa..

Dusraa jo  jeet gayaa

Usske paas gawaah thaa.

(26/10/2007)

Kaante hain, paththar hain aur dost bhi..

Badi Mushkilein  hain yahaan, par  safar kar lenge.. 

Kayee raaste hain, Mod hain, manzilein bhi hain..

Kadam saath chalein zaraa bhi, to safar kar lenge..

Koi  saath nahin chaltaa, waise saare achche hain..

Tu agar haan kahe, to  hum-safar karlenge..

Aap khush ho, mast ho.. Bahut achchi baat hai..

Humko apna pataa chale, to khabar kar denge.

Teri shikaaytein abhi baaki hain, to koi baat nahiin..

Humaari baat aur hai, ...intezzar kar lenge..

Thhe Bihadonmein hum..

Raah bhi kho gayee thii

Ke kissine pukaaraa..

Hum phir kho gaye..

--

Rozmarra ke zagde

Har pal ki ladhaayee

Koi gungunaayaa

Aur hum so gaye..

----

Netaaji suniye to..

Khud ki tasweer oonchaaiyon par lagaaoge..

Apni chhayaase kaise nikal paaoge?

Khud ko gair zaroori hadontak chaahnewaalon,

Mar gaye gar, to khud ko bhool jaaoge..!

Kaash..!      

6th Oct,07.

Hum saamne thhe..Maut bhi muqaabil thhi..

Dard buss itnaahi hai, Humse poochhaa na gayaa..

Yeh thaa  mumqeen  bhi ke, inquaar kar dete..

Hairaangi iss baat ki  hai, Humse poochhaa na gayaa..

Woh aaye bhi the..Humse poochha bhi  ..ke, kyaa poochhoge..

Woh aankhein dekhiin..Humse poochha na gayaa..

Kuchh palonki baat chali thii, ik umra bhi  dhal gayee..

Humse poochha na gayaa, Humse poochha na gayaa..

Life, mission and committement..
Words have changed meanings since..
Letters aren't written anymore..
They are typed..
And exist only in cyber world..
How much of him is remembered..
And, followed..?
Even if we bring them back..
Who would read them anyway?
We have enough of them allready !
Sic.
Though, Mahatma's words made guns shiever..
Let the letters be  for the  hammer..!